كل سنة بتمر بكتشف انو مفهوم كلمة " خنقة " ، او "اشي بخنق " بتغير عندي . ما بعرف هو بس عندي ولا عند الجميع ؟!
يعني أذكر قبل 3 سنين او اربعة ، كان مفهوم كلمة خنقة انو أروّح من المدرسة ، أكتشف انو مكيف غرفتي مش مشغل :)
أو أو أو ، ألاقي الغدا مش جاهز ؟
جد اني كاينة تافهة ؟ شويتين ؟
بعد سنتين ، فتنا جامعة ، و اكتشفت انو الجامعة هي الخنقة الأعظم ، و اكتشفت انو ما عمري انخنقت قبل هيك :)
الطلاب ، الدكاترة ، حتى المبنى ، القاعات !! كلو خنقة !
بعد سنة ، يعني حاليا ،
لما صار الواحد ينام ع صوت الموتور ، و يصحى غرقان من العرق .
لما صار الانبساط معناه يكون في كهربا و ميا و نت جايين مع بعض .
لما الواحد يطلع ، وهو في الطلعة يحس حالو ملان !
لما نكد الحياة يكون زي المي و الهوا اللي بتنفسو .!
عرفت انو انا فعليا هلأ في أعلى قمة كلمة "خنـــقة " ....
بس الســؤال ؟
شو ممكن يـجي أخنق من هيك ؟ :)
